الموقع يستخدم الكوكيز Ok







صورة الفنان

أم كلثوم

الأمل

Verified

الأمل لولاه عليا
كنت فى حبك ضحية
بالأمل أسهر ليالي
فى الخيال وابني علالي
وأجعلك فيها نديمي
وأملكك ليلي ويومي
أنا لو أطول ده اللى بقول
يبقى المنى و لو يكون وهم و ظنون
برضك أنا عندي أمل

من زمان طال انتظاري
واحتمل ولا أنت داري
نار بعادك واصطباري
كل ده علشان عينيك

ياما ياما خبيت فى الجوانح
كل قول قاسي وجارح
اسمعه واصفح واسامح
والحنان يزداد إليك
وأنا لو يدوب قلبي
ما أتوب عندى الهوى
ولو قاسيت مهما قاسيت
برضك أنا عندي أمل

يا شبيه البدر وحده
فى ارتفاع برجه وسعده
يشبهك هوه فى جمالك
وأنت فى نوره وبعده
ما التقيتشي إليك وسيلة
غير سكوتي وانتظارك
واعمل إيه ما بإيدي حيله
فى انكساري واقتدارك
وأنا لو أروح عمري أنوح
دا محتمل ولا أعيش من غير أمل
لكن أنا عندي أمل

تمت اضافة كلمات الاغنية بواسطة : أيمن



Facebook
Whats App
Twitter
Email
Google Plus
ads

ads

ads

ads