الموقع يستخدم الكوكيز Ok







صورة الفنان

ياسر تمتام

شوف يا نسيم

شوف يانسيم محبوبي اين اليوم نزل
اين احتجب بي حسنو عن طرفي اعتزل
شوف يانسيم زهر الرياض ليك مبتذل
والنزهة ليك لاشك مسطرة في الازل
مابين اكمام البساتين لم تزل
تلتف بين اوراقا تلتمس الغزل
الطير ترنم بالشعر غني ارتجل
فوق منبر الغصن الطري السامي الاجلّ
مالت فروع الدوحة تصطنت الزجل
ام من رنين الورقة صداها الخجل
لف يانسيم داخل الربوع رايق وسل
جاذب فؤادي الليهو دون امر ارتسل
قول ليهو عاشقك للامر طاع وامتثل
جيب رد خطابو الاحلي من صافي العسل
ضامر مهفهفة قامتو والجيد اعتدل
طال الشعر لي محبك الدرع انسدل
عام صدرو بي ثمارو الكتف لادن هدل
ايدينوالين من قواطين الجدل
في المشية شابه مشية الخيل في الوحل
فاق الظبي في الضمرة والجيد والكَحل
شوف يانسيم من هجرو كيف جسمي انتحل
مع انو ساكن قلبي في اقرب محل
مابين اماني الزورة في رُبّ ولعل
بين نار هواك الشابة في جسمي اشتعل
يالعابدة تيهك والدلال الدون زعل
انا راضي بي حكم الغرام مهما فعل

تمت اضافة كلمات الاغنية بواسطة : زائر



Facebook
Whats App
Twitter
Email
Google Plus